لا املك إلا بيان
شجب. ادانه. استهجان
يا ضمير العالم الميت
ليه دايما فيه استحسان
بتبيدو الشعب في سوريا
وتقولو حقوق انسان
بتقولو بنحمي العالم
وبتقتلو في الغلبان
عمري ما كنت في يوم فاعل
ولا عشت في يوم انسان
طول عمري مفعول به
مجرور بالكسرة كمان
موضوع علي بطني الشدة
وبضحي علشان غلبان
طول عمري بموت بسببكم
واسكت لأني جبان
ليه دايما كرسي بيحكم
وتملي احنا القطعان
ياضميرالعرب النايم
يا ميت من زمان
بفلوسكم سوريا بتولع
واميركم قاعد سكران
بيوزع مالكم لداعش
او علي باقي الخرفان
يا سوريا ربنا ليكي
والشعب المصري كمان
ندعو ربنا يحميكي
وتعودي زي زمان
رضا ابو شنب
مصر
ليست هناك تعليقات