وفية..بنت الاصول
**********
**********
سالوها
مال لونك حزين
بكت وردت وقالت
راح منى..وغاب عنى
حبيبى الزين
اللى كان ابنى
ابويا واخويا وبعلى
اللى اشترالى الفرح
والحزن عمرة ماقربة منى ولا باعلى
دة ياناس اللى كان
عاشقنى وعاشقاة وعاشق تراب نعلى
وكنت وكنا وكان
هوة دة اللى عايش...جوايا
وفى عز النواح..على سبع مات وراح
مكانة لسة فاضى وبراح
مع السلامة يا حبيبى..
كلمة سمعتها بودانى
هزتنى..هدتنى
ياترى على فين خادتى وودتتى
ياة..على الفاراق ومرارة
ياة..على الخراب ودمارة
ياة على الهم..وطول ليلة وحزن نهارة
دة انا ياعمرى..كنت اتمنى..
ااقضى العمر كلة معاك
قمر حياتى..ونجم نجوم...سمايا
قالوا انسى وكفاية
ماراح اللى راح
...معقول..والقلب كلة جراح
دى عيونى لا بطلت دمع
ودوبت من كتر النواح
دة اللى ايدة فى المية
غير اللى ايدة فى النار
كفاية مرار
دة هو اللى كان
شفايا وعلاجى...ودوايا
قالوا مين هيربى اليتامى
...لية كدة..دة ربك عندة كتير وياما
يا نخلة فى السما طارحة
دة انتى اصلك...نوايا
قالوا اية اللى نابك..هيضيع شبابك
وتقع سنانك ونيابك
اتجوزى قبل ما تعجزى
وتقضى العمر وحيدة
والاخر تندمى وتبوزى
...اولادى عندى با الدنيا
ولا راجل غريب..جوز ام
يهين ضنايا وعنيا
مش همد ايدى لحد فيكم
انا ربنا...معايا
شوفتوا ..مكر السلايف
اللى ما تخدش منهم
غير مصمصة الشفايف
دة لا عم..زار اولاد اخوة
ولا سال فيهم..ولا عطف عليهم
من مراتة خايف
ال اية ..عينة زايغة
وعلى الاصيلة بنت الاصول.لايف
دة انا عيشت عمرى..مع حبيب القلب
قصة حب
لا حس بيها..ولا عاشها..ولا عرفها
سواة. .وسوايا
يا مصدومة..انا
ومن البشر مظلومة
يا معدومة..انا
وغناوى الحزن منظومة
يا ماكومة انا
مافى غير الصبر
دى مواويل الهم ملضومة
من بدايتى..لنهايتى
وشبابى...وصبايا
بقلمى
محمد يونس
ليست هناك تعليقات