اسكت والسكوت أنت
**********
اسكت والسكوت
انت
ابكي والسبب
انت
اهيم ولا اجد
انت
اموت اوبعد منك
انت
اهواك او ..لا ..بعد
انت
اكره كل حياتي والسبب
انت
ابد حياتي مااهوى
ولا اقرب ابد
منك
تمنيت العمر وياك
اقضيه حدك
اوحدي
لكن ياحسافه ايموت
كل ذاك الحلم
عندي
لا...كلمه الغزرت
وياك
لا تضحيه لا..ذاك
الحلم وردي
اموت اعليك يوميه
او سبع موتات
من اذكرك يامحبوب
احيا وفز من نومتي
اوموتي
اتمنى احطك دوم
ابوسط عيني
وبقربي
وگولن هذا هم ابعيد
تعال وادخل
الگلبي
حتى لو كنت قربي
اشتاگ اوالك
مرات
ولا اهدا ابد فد يوم
ان كنت
قربي ...اوبعدي
جنوني اعليك فاق
كل حد
لا...مجنون ليلى هو الوصل كل حدي
لا جميل بثنه هو
من مثلي
كل اقاصيص العشگ
يازين
ابد ماوصلت الحبي
عشگگ عشك محرومات
اولا او من تنحرم
للولد
لو مثل ناگه ذبحوا الاولاد
امام العين
وبقصدي
احبك حب المعرسات
من تنزف
لمحبوب الگلب او هي له تهواه
وتودي
كل هذا الك يهواي
وتگلي
اشجبت وشوديت
ياحبي
اويلي ..يهل المحبوب
تبقى انت كل
حدي
ولا ادري ولا اعرف
ولا اذكر
منهو الجابك العندي
حضك هذا لو
حظي
اومع كل هذا يحلو الطول
ابقى كما تهوى
اتريد اتروح
اتريد ارجوع
لكن تبقى انت كل
عمري
تبقى انت...انت
كل حدي
وكل عندي رضاي انت بالدنيا
مهما اجيب وتودي
او خل الگلب
يزعل
لاهمك ولا همي
ماضل شيء بعد عندي
اسكت والسكوت
انت
اقرب والبعد
انت
الله مااقساك گلبك
من اي الحجر صوان
قد قدي
ليست هناك تعليقات