عيون سحر
========
يا ام الخدود الوردية
وشك منور يا سحر
يا ام الضفاير يا صبية
بين الزهور فلة جميلة
والقلب رايدك يا أصيلة
فيك العيون حلوة كحيلة
وفى قلبى راسمك يا حورية
بتمرى وترشى عبيرك
وتنادى ع النسمة تجيلك
فى الحسن قالوا مافيش غيرك
يا وردة نادية فى زهرية
غنوا فى جمالك كام موال
والقلب يعشق كل جمال
طلبوك من عمك والخال
علشان عيونك يا بهية
اه من جمالك بالفساتين
ريحانة نورتى البساتين
تفاحة موزة وقمر الدين
وانتى المنى وانتى هدية
ياليلي يا ليلي ياليل
وحياتك يا سحر
وانا هيمان
لا تودينى البحر
وترجعينى عطشان
ياليلى ياليلى ياليل
انا عشانك يا سحر
افتت الصخر
وامشى على الشوك حفيان
ياليلى ياليلى ياليل
دا انا شفت فيك الحنية
يا جمال عيونك يا سحر
يا ام الخدود الوردية
وشك منور يا سحر
يا ام الضفاير يا صبية
_______________
كلمات / فاروق الحضري
ليست هناك تعليقات