تمنيت
********
تمنيت ؤ شلا ما بغيت
********
تمنيت ؤ شلا ما بغيت
ترجيت ؤ شحال دعيت
تمنيت هلال الفرحة يرڭب
نورو الدافي ما يخطى بيت
الهم ؤ لحزون لحالها تغرب
شحال دعيت ؤ ڭلت يا ريث
تحيى لنفوس تشعشع بالحب
تبرى الدواخل من حسها لخبيث
لڭلوب صافية ما فيها عجب
النية و المعقول اول الغيث
على نغام السعد حالنا يطرب
لعيشة حلوة كيف نويت
نرميو الانانية لعوين يعڭب
بحب الذات شحال تكويت
تمنيت ياصاح يجمعنا مركب
القصد واحد الإخلاص سويريت
الوحدة قوة نتحداو الصعب
ما يهمنا كيد التماسح ؤالعفاريت
مابغيت سلام بلحروب يتغصب
لقدوم فجرو شحال تسنيت
ولا مخلوق ف الارض يتعذب
مليت الحال و شحال بكيت
ليست هناك تعليقات