حبيتك وانتي بعيدة
وهديتك اجمل قصيدة
صرنا من خلف الشاشات
نشوف الدني قريبة.
حبيت روحك والسلام
ويكفيني منك كلام
لاتهجرني والله حرام
خليني لقلبك قريبة
. ليتو يقبرني فنك
وجمال روحك وقلبك
كيف بدي ابعد عنك
وانتي فرحتي وعيدي
ليتو يقبرني حرفك
والزجل الي ع تمك
والله بدوب بحسنك
ربي يشهد علي
انتي شمسي كلما تطلي
الفرحة جواتي بتخلي
غلي جوا ضلوعي غلي
لنقاوم بالحب النهدي
وانت بالسما قمري
وكل ليلة الو سهري
بهديك سمعي وبصري
بس عليي ما تبخل
عنك ما الي غنا
على وجك شفت الهنا
انتي يا كل المنا
بحبك شو غريبة
قربك انا شو بتمنى
ت ضمني وانا اتهنى
ليتك تيجي لعنا
وتغمرني غمرة رهيبة
وعلى دياركم يرجعنا
اماني فيكم يجمعنا
وتناديني حبيبي
الله كريم ياحبي
يجعلك جية ع دربي
تغمرني وتسكن جنبي
وكون الك روح وحبيبة
ع ديارك بكرا جايي
واحكيلك احلى حكايه
عن حبنا كيف تكون
من الاول للنهاية
اهلا وسهلا بعيوني
يا عمري انت جنوني
لما ع دياري بتحل
بفرشلك والله جفوني
قلبي بيكبر لمن شوفك
بيرقص على نغم حروفك
بعوف الدني ولا بعوفك
وانتي ع قلبي بتموني
بوسي منك على التم
بتزيل التعب والهم
انتي عدي وقولي كم
وانا بزدلك الموني
وهالبوسي عيني ربا
وتسلملي انا شو بحبا
لما الشفة عالشفة
تدوب وفيها تتخبا.
ليست هناك تعليقات